Tremujor i shkëlqyeshëm për kompaninë RIM

Kompania Research In Motion (RIM) në tremujorin e parë ka shitur 7.8 milionë pajisje BlackBerry duke realizuar të hyra prej 3.42 miliardë dollarësh amerikanë.

Krahasuar me periudhën e njëjtë të vitit të kaluar, të hyrat janë rritur për 52%. Nëse largohen shpenzimet e ndryshme të jashtëzakonshme, fitimi i pastër i kompanisë ka qenë 564.4 milionë dollarë.

Në tremujorin në vijim i cili është shënuar me konkurrencë të fortë pas paraqitjes së pajisjeve Palm Pre e iPhone 3G S, RIM pret të hyra në mes të 3.45 e 3.7 miliardë dollarësh.