Fat Joe dhe Terror Squad pushtojnë Flirt Club

Të martën mbrëma (7 korrik), Flirt Club dhe Next Level prezantojnë natën më të nxehtë të muzikës hip-hop duke i servuar publikut shqiptar njërin nga top-artistët amerikan, Fat Joe, dhe ekipin e tij "Terror Squad".

Këtë mbrëmje speciale, e cila fillon në orën 22:00, do ta hapin grupi “Skillz” dhe DJ Jungle.

Biletat në parashitje do të jenë vetëm 10 € dhe mund te blihen në Flirt Caffe, ndërsa blerja e biletave te dera do të kushtojë 15 €.

“Kjo natë pritet të jetë një natë shume speciale për neve dhe për publikun tonë, sepse vjen një yll, i cili ka bashkëpunuar me të gjitha yjet e industrisë së muzikës si Jennifer Lopez, Akon, Nelly, Lil Wayne etj.”.

“Duhet të potencoj se Kosova dalë ngadalë është duke hyrë në listat e top agjensioneve të botës, si një vend atraktiv për të vizituar nga këta yje, dhe ky bashkëpunim është realizuar në mes të Heavy Rotation, një top agjension botëror për Hip-Hop dhe R&B”.

“Sugjeroj që biletat të blihen me kohë për shkak të turmës së madhe që do të ketë ky organizim, dhe ftoj krejt Prishtinën dhe Kosovën qe t`i bashkëngjiten këtij eventi special, duke promovuar rininë tonë dhe shtetin më të ri në mënyre sa më të gjallë dhe atraktive”, deklaron promotori i këtij evenimenti, Ardin Badivuku.

Fat Joe dhe ekipi i tij do të aterojnë sonte në Prishtinë në orën 21:45 dhe do të qëndrojnë në Hotel Prishtina, ndërsa i gjithë ekipi do të përbehet nga 8 veta.