Transformers, filmi më i shikuar i vitit

“Transformers: Revenge of the Fallen” edhe zyrtarisht është filmi më profitabil i vitit 2009, pasi ka arritur shumën e 600 milionë dollarëve gjatë të martës.

Filmi i regjisorit Michael Bay ku luajnë Shia LaBeouf dhe Megan Fox, ka tërhequr një numër të madh të dashamirëve të kinemasë dhe ka tejkaluar filmin “Angels & Demons” gjatë dy javëve sa ka qenë i pranishëm në kinema.

Filmi tashmë ka fituar 299 milionë dollarë nga shfaqja në kinematë amerikane dhe kanadeze, derisa ka kryesuar me 300 milionë dollarë edhe në kinematë tjera botërore.

Filmi i parë “Transformers” kishte mbledhur më shumë se 708 milionë dollarë nga kinematë në vitin 2007.