Rosicky optimist për rikthimin në fushë

Mesfushori i Arsenalit, Tomas Rosicky, shpreson se do të rikthehet në ekipin e Arsenalit që në javët e para të kampionatit të ri.

Çeku nuk ka luajtur po thuajse 18 muaj që kur u lëndua në ndeshjen kundër Newcastle në janar të vitit 2008. 28-vjeçari së fundi i ka filluar përgatitjet me topçinjtë dhe pret të rikthehet në lojë në vjeshtë.

“Mendoj se do të rikthehem në vjeshtë. Sipas trajnerit tim të fitnesit kam mundur të luajë edhe në fund të sezonit të kaluar. Nga stërvitjet ishte e qartë se mund të luaj, edhe pse ndoshta jo 90 minuta të plota”, ka thënë Rosicky.

“Por klubi vendosi të mos luaj. Ata e panë se jam ok, por ndoshta nuk deshën të rrezikojnë. Derisa nuk e luaj së paku një ndeshje të sezoni nuk mund të them se si janë shanset e mia”, ka shtuar çeku.