Kokaina e fshehur në arkivole të vdekurve

Lituania ka kapur 40 kilogramë kokainë që kanë qenë të fshehur në arkivole të vdekurve të dërguar nga Amerika Jugore, ka njoftuar të enjten policia e vendit.
Autoritetet e Lituanisë shtatorin e vitit të kaluar kishin gjetur drogën në tre kontejnerë me arkivole. Kokaina gjithashtu ishte fshehur nëpër rrobat për të vdekurit si dhe në paletat që i mbanin ato.

Dërgesa ishte dedikuar për një ndërmarrje lituane për materiale funeralesh, thuhet në njoftimin e policisë.

Kokaina, siç theksohet, nuk ka qenë e dedikuar për tregun lokal.