Publikohen specifikat zyrtare të Bluetooth 3.0

Pikërisht siç ju kemi paralajmëruar më herët, Bluetooth Special Interest Group (Bluetooth SIG), organizata e cila qëndron prapa zhvillimit të këtij transferimi të dhënave, ka publikuar të gjitha detajet.

Janë dy gjëra themelore të versionit të ri të Bluetooth, me emërtimin e plotë Bluetooth 3.0+High Speed: përmirësimi, respektivisht zvogëlimi i shpenzimi të energjisë së pajisjes e cila do të mbështesë bartje shumë më të shpejtë të dhënave në mesin e pajisjeve.

Më thjesht, Bluetooth 3.0 sikur edhe sot do të përdoret për lidhjen e dy pajisjeve përkatëse, mirëpo nëse të dyja pajisjet mbështesin lidhjen WiFi, atëherë bartja e të dhënave do të kryhet me anë të këtij protokolli.

Të gjitha pajisjet e vjetra do të mund të lidhen me ato të cilat do të paraqiten për Bluetooth 3.0, derisa produktet e para të këtij lloji i kanë paralajmëruar prodhuesit Atheros e Broadcom. Zgjidhjet e para komerciale të cilat do të punojnë në Bluetooth 3.0, sipas paralajmërimeve, mund t’i presim për rreth nëntë deri në 12 muaj.