Laptop i fuqishëm në shtëpizë shumë të hollë

Kompania Lenovo ka paraqitur laptopin e ri i cili do të kënaq përdoruesit të cilët dëshirojnë kompjuter të lehtë dhe të hollë, por megjithatë të fuqishëm. Mirëpo, natyrisht, gjërat e tilla edhe kushtojnë.

Dimensionet e këtij laptopi janë ideale. Shtëpiza nga fijet e karbonit prej 0.83 inç trashësi dhe ekrani LED me diagonale prej 14.1 inç do të thotë se laptopi i emëruar T400s do të mund t’u rri pa problem nën krahë dhe në çantë të vogël, por me ekranin e tij do të mund të punoni krejt normalisht (edhe pse askund nuk shkruan se sa është rezolucioni i ekranit).

Brenda shtëpizës së tij gjendet procesori Core 2 Duo i kompanisë Intel me takt punues prej 2.53 GHz, disku SSD me kapacitet 128 GB apo disku i fortë klasik me kapacitet prej 250 GB, DVD writer apo Blu-ray riprodhues, lexuesi ExpressCard, qasja për eSata e daljet video VGA e DisplayPort. Bateria do të duhej të qëndrojë rreth gjashtë orë, derisa çmimi fillon nga 1.599 dollarë të kripura e më shumë.

www.lenovo.com